+7 (777) 001 44 99
Қазақша
Русский
English
Үштілділікке өткеннен кейін мұғалімдердің жалақысы өсе ме? Бүгін ОКҚ брифингі барысында ҚР білім және ғылым министрі Ерлан Сағадиевке осындай сұрақ қойылды, - деп хабарлайды Tengrinews.kz тілшісі.
"Жаңа талаптарға байланысты мұғалімдердің жалақысын өсіру керек екенін жақсы түсінеміз. Дегенмен бізде қаржылық шектеулер бар. Сондықтан да қаржыландыру бойынша ішкі резервтер табуға тырысып жатырмыз. Сонымен қатар, қазіргі кездегі ең өзекті мәселелердің бірі - орта білім беруді қаржыландыруға жеке бизнестерді тарту. Оның ішінде мектеп пен балабақша құрылысы бар. Егер құрылыс саласында жеке кәсіпкерлер бізге қолдау көрсетсе, мектеп құрылысынан мемлекетке түсетін салмақ азаяды", - деді ол.
Еске салайық, ҚР білім және ғылым министрі Ерлан Сағадиев орталық коммуникациялар қызметінде өтіп жатқан брифинг барысында қазақ тілін үйренуге арналған дұрыс әдістеменің жоқ екенін айтқан болатын.
