+7 (777) 001 44 99
Қазақша
Русский
English
Алматыда Mudarabah Capital қаржы пирамидасына қатысты вайнерлер Мейіржан Төребаев пен Мейірхан Шерниязовқа қатысты сот отырысы басталды, - деп хабарлайды Tengrinews.kz тілшісі.
Іс Алмалы аудандық сотында қаралып жатыр. Айыпталушылар тарапында Төребаев пен Шерниязовты қосқанда 12 адам бар. Олар ұйымдасқан қылмыстық топ құрамында қаржы (инвестициялық) пирамидасын құрып, оны басқарды деген күдікке ілінді. Тағы екі адамға, соның ішінде тағы бір вайнер Әзімжан Саидбаевқа халықаралық іздеу жарияланған.
21 желтоқсанда түстен кейін мұнда алдын ала сот отырысы басталып, онда кейбір мәселелер мен сот талқылауының тәртібі талқыланды. Сот процесі онлайн режимінде ZOOM платформасы арқылы өтіп жатыр, онда 100 аккаунт қосылған. Бұл бір бейнеконференцияға бір уақытта қатыса алатын қатысушылардың максимум саны. Бұл тізімге сыймай қалған қатысушылар, соның ішінде Tengrinews.kz тілшісі де сот процесін бейнеқоңырау арқылы WhatsApp-тан тыңдап отыр. Өзін заңгермін деп таныстырған процеске қатысушылардың бірі отырысты оффлайн режимде өткізуді сұрады. Алайда судья Кәмшат Саурова оның өтінішін қанағаттандырмады. Оның айтуынша, тыңдауларды өткізу тәртібі бейнеконференция негізінде жарияланған. Сондай-ақ, ол адвокаттан процеске араласпауды сұрады.
Айта кетейік, алдын ала тыңдаудан кейін негізгі сот процесі басталады.
Еске салайық, қылмыстық іс аясында 41 жылжымайтын мүлікке, 3 автокөлікке, 9 банк шотына және 16 компанияның жарғылық капиталындағы түрлі үлеске тыйым салынғаны хабарланған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
