Вице-министр Алакөлге барар жол жайлы: Сталинград шайқасы болғандай

27 Тамыз 2018, 16:53
0
Вице-министр Алакөлге барар жол жайлы: Сталинград шайқасы болғандай - © superkurt.yvision.kz
© superkurt.yvision.kz

Мәдениет және спорт вице-министрі Ерлан Қожағапанов Талдықорғаннан Алакөлге барар жолдың жағдайын сынға алды, - деп хабарлайды Tengrinews.kz тілшісі.

Вице-министр туристердің жолға қарамастан Алакөлге көлікпен барып жүргенін айтып өтті. 2017 жылы Алакөлде шамамен 750 мың турист демалған, олардың 180 мыңы Ресейден келген екен.

"Алматыдан Талдықорғанға баратын жолдың жағдайы жақсы, ал Талдықорғаннан ары қарай жол жаман. Мен өзім сол жолмен келдім, көлік тізгінінде өзім отырдым - Алматыдан Алакөлге бардық. Ондай жолмен жүру қиын. Кешірім сұраймын, бірақ сол жолда Сталинград шайқасы болғандай. Тоғыз сағат жол жүрдік", - деді Ерлан Қожағапанов.

Ерлан Қожағапанов үкіметтің тапсырмасымен "Қазавтожол" ҰК өкілдерінің құрылыс жұмыстарын бастағанын айтып өтті. Айтуынша, онда төрт жолақты қозғалыс болады.

Сондай-ақ, мәдениет және спорт вице-министрі жекеменшік компаниялардың Алакөлдегі туризмді дамытуға дайын екенін айтты. Бірақ Қожағапановтың айтуынша, ол үшін инфрақұрылым керек.

Получить короткую ссылку

Тегтер:

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай