+7 (777) 001 44 99
Қазақша
Русский
English
Президент Қасым-Жомарт Тоқаев ТМД-ға қатысушы мемлекеттердің ядролық авария жағдайында немесе радиациялық авария жағдайында дайындықты және олардың зардаптарын жою кезіндегі өзара көмекті қамтамасыз ету бойынша өзара іс-қимылы туралы келісімді ратификациялады, - деп хабарлайды Tengrinews.kz тілшісі Ақордаға сілтеме жасап.
"Мемлекет басшысы "ТМД-ға қатысушы мемлекеттердің ядролық авария немесе радиациялық авариялық ахуалдың туындау жағдайына дайындықты және олардың зардаптарын жою кезіндегі өзара көмекті қамтамасыз ету бойынша өзара іс-қимылы туралы келісімді ратификациялау туралы" Қазақстан Республикасының Заңына қол қойды", - делінген хабарламада.
Келісімді әзірлеу 2016 жылдың 18 наурызындағы ТМД мемлекеттерінің атом энергиясын бейбіт мақсаттарда пайдалану бойынша ядролық және радиациялық қауіпсіздік тұжырымдамасын іске асыру жөніндегі бірінші кезектегі іс-шаралар жоспарында көзделген.
Келісімге қатысушылар: Армения Республикасы, Беларусь Республикасы, Қазақстан Республикасы, Қырғыз Республикасы, Ресей Федерациясы, Тәжікстан Республикасы және Өзбекстан Республикасы.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
