+7 (777) 001 44 99
Қазақша
Русский
English
Қарағанды облысы Жәйрем ауылында шетелдіктермен болған қақтығыстан соң 7 адам ұсталды, - деп хабарлайды Tengrinews.kz тілшісі облыстық Жергілікті полицияның баспасөз қызметіне сілтеме жасап.
"Бұзақылық әрекет жасап, бөтеннің мүлкін ұрлады деген күдікпен Жәйрем кентінің 22-ден 33 жасқа дейінгі 7 тұрғыны анықталып, ұсталды. Ұсталғандар кінәсін мойындап, уақытша ұстау изоляторына қамалды", - деп хабарлады полициядағылар.
Қазіргі уақытта тергеу жүргізіліп жатыр.
Еске салайық, мұның алдында Қарағанды облысында жергілікті және шетелден келген жұмысшылар арасында жанжал шыққаны жайлы хабарланған еді. Бұл оқиға 12 тамызда Жәйрем ауылында болған. Кейінірек полиция мәлімдеме жасаған болатын.
