+7 (777) 001 44 99
Қазақша
Русский
English
Әйгілі "Жаманшоқы түрмесі" жабылатын болды, - деп хабарлайды Tengrinews.kz тілшісі Ішкі істер министрі Қалмұханбет Қасымовқа сілтеме жасап.
"Келесі тоқсанның аяғына қарай біз екі колонияны жауып, оңтайландырамыз - "Жаманшоқы түрмесі" мен Қарағанды облысындағы тағы бір колония. Оларда біраз мәселе бар, қазір ондағыларды қайда апару керектігін анықтау керек. Түрме тұрғындарын қысқарту бізге екі колонияны қысқартуға мүмкіндік беріп отыр", - деді Қасымов Парламент Мәжілісіндегі Үкімет сағатында депутат Айгүл Соловьеваның сұрағына жауап беріп.
"Жаманшоқы" қашан көшіріледі немесе жабылады? Өйткені сіздер сотталғандарды ғана емес, өз қызметкерлеріңізді де жазалайсыздар ғой", - деді депутат министрге.
"Жаманшоқы түрмесі" деп халық Солтүстік Қазақстан облысындағы Жаманшоқы тауының етегінде орналасқан қатаң режимдегі ЕС-164/4 түзеу мекемесін айтады.
Уикипедияның мәліметінше, "Жаманшоқы" атауының шығу себебі - XVII-XVIII ғасырларда бұл тауды сауда керуендері мен жолаушыларды тонайтын қарақшылар паналаған. Есіл даласымен өткен саудагерлер Жаманшоқыны сапарларына бағдар ретінде пайдаланған.
