+7 (777) 001 44 99
Қазақша
Русский
English
Мемлекет басшысының Өкімімен Жәмилә Әбдіқадырова Қазақстан Республикасы Президенті архивінің директоры болып тағайындалды, - деп хабарлайды Tengrinews.kz тілшісі Ақорда сайтына сілтеме жасап.
Қазақстан Республикасы Президенті Кеңсесінің Бастығы М.Б.Қасымбеков Архив ұжымына жаңадан тағайындалған директорды таныстырып, жұмысына зор жетістіктер мен табыстар тіледі.
"Ж.Ю.Әбдіқадырова Президент архивінде 15 жылдан астам уақыт еңбек етіп, қатардағы маманнан директордың орынбасарына дейінгі барлық қызмет сатысынан өтті", - делінген Ақорда сайтында.
Сондай-ақ, М.Б.Қасымбеков Қазақстан Республикасы Президенті Әкімшілігінің басшылығы атынан Архивтің бұрынғы директоры Борис Әликенұлы Жапаровқа мінсіз қызметі және қызметтік міндеттерін үлгілі орындағаны үшін алғыс білдіріп, оған ведомстволық марапат - "Мінсіз қызметі үшін" төсбелгісін табыс етті.
Борис Жапаров 2018 жылы шілдеде қызметінен босаған еді.
Борис Джапаров. © Presidentlibrary.kz
Архив ғимараты Алматы қаласындағы Достық даңғылының бойында орналасқан.
© personal.akorda.kz
