"Заң аясында өткізді". Полиция Алматыдағы митинг туралы

Митинг кезінде қоғамдық тәртіп сақталды. Бұл туралы Алматы Полиция департаментіндегілер мәлімдеді, - деп хабарлайды Tengrinews.kz тілшісі.

Полицияның мәліметінше, әкімдік рұқсат берген митинг штаттық режимде өткен және құқықбұзушылықтар анықталмаған.

"Шараға жүзге жуық адам қатысты. Митинг кезінде Шевченко көшесінің бойымен Пушкин көшесі мен Қонаев көшесінің аралығында көлік қозғалысы тоқтатылды. Митингіге қатысушылар шараны заң аясында өткізді", - деді полициядағылар.

Еске салайық, бүгін Алматыда Шоқан Уәлиханов атындағы саябақ алаңында митинг өтті. Митингіге шыққандар несия амнистиясы, қытайлық экспансия т.б. талабын айтты.

Қазақстан жаңалықтары. Соңғы жаңалықтар. Telegram желісінде бізге жазыл!