Зеленский Назарбаевты Украинаға шақырды

Айдос Қосыбаев

Нұрсұлтан Назарбаев Украина президенті Владимир Зеленскиймен кездесті, - деп хабарлайды Tengrinews.kz тілшісі Еlbasy.kz сайтына сілтеме жасап.

Нұрсұлтан Назарбаев Украина президенті Владимир Зеленскиймен кездесті, - деп хабарлайды Tengrinews.kz тілшісі Еlbasy.kz сайтына сілтеме жасап.

Жалғасы

■

Назарбаевтың Зеленскиймен кездескен сәтінің видеосы пайда болды

23 қазан 2019, 10:53

Токиода өткен кездесуде Елбасы Владимир Зеленскийді Украинада президент сайлауындағы жеңісімен құттықтады.

"Украинаның күн сайынғы өмірін қарап отырамын. Сіздің елдің тағдырына немқұрайлы қарамаймын. Екі жыл Украинада оқығаным үшін ғана емес. Тәуелсіздік алғалы бері сіздердің барлық президенттеріңізбен жақсы таныс болдым", - деді Қазақстанның Тұңғыш Президенті.

Сонымен қатар, Нұрсұлтан Назарбаев Украинада болып жатқан жағдайға алаңдаушылық білдірді. Елбасы Украинаның оңтүстік-батысындағы жанжалдың бейбіт жолмен шешу маңыздылығын атап өтті.

"Сіз халықтың үлкен сенімімен сайландыңыз. Сізде ойлаған жоспарыңыздың барлығын іске асыруға мүмкіндік бар", - деді Елбасы.

Өз кезегінде Владимир Зеленский Украина Қазақстан Республикасын көптеген мәселелер бойынша қолдап келгенін айтты. Келіссөздер барысында Владимир Зеленский Қазақстан Президенті Қасым-Жомарт Тоқаевпен Нью-Йоркте танысқанын айтып, Елбасын Украинаға шақырды. Сондай-ақ, тараптар екі ел арасындағы тауар айналымы мен қарым-қатынасты нығайту жолдарын талқылады.

Украина Жапония Қазақстан соңғы жаңалықтар