+7 (777) 001 44 99
Қазақша
Русский
English
ҚР ІІМ Әкімшілік полиция комитеті қоқысқа лақтырылған делінген әкімшілік айыппұлдар туралы хаттамалардың жыртылған суреттерін тексеріп жатыр. Бұл туралы ведомствоның ресми өкілі Ирина Лукьянина Facebook желісіндегі парақшасында жазды, - деп хабарлайды Tengrinews.kz тілшісі.
Автордың айтуынша, ол бұл хаттамаларды қоқыс жәшіктерінің маңынан тапқан. Суреттер Желіде бүгін пайда болды.
ІІМ Әкімшілік полиция комитетіндегілер бұл мәліметтің тексеріліп жатқанын айтты.
"Материалдар ІІМ Өзіндік қауіпсіздік департаментіне жолданады. Автордан ішкі істер органдарына ресми түрде өтініш жазуын сұраймыз. Сондай-ақ, осыған қатысты мәліметті ІІМ-нің "1402" сенім телефонына немесе ҚР Әкімшілік полиция комитетінің Facebook желісіндегі парақшаларына хабарлауға болады", - деді Лукьянина.
