+7 (777) 001 44 99
Қазақша
Русский
English
Жеңіс Қасымбектің кандидатурасы премьер-министрдің орынбасары қызметіне ұсынылды, - деп хабарлайды Tengrinews.kz тілшісі Парламент мәділісінің сайтына сілтеме жасап.
25 ақпанда экономикалық реформа және өңірлік даму бойынша Мәжіліс Комитетінің отырысы өтті. Сонда Жеңіс Қасымбектің кандидатурасы премьер-министр орынбасары қызметіне ұсынылды.
"Бұл мәселе комитеттің отырысында "Қазақстан Республикасының Парламенті және оның депутаттарының мәртебесі туралы" Қазақстан Республикасы Конституциялық Заңының 22-1-бабына сәйкес қаралды. Қазақстан премьер-министрінің тапсырмасы бойынша кандидатураны Премьер-министр кеңсесінің басшысы Нұрлан Алдабергенов таныстырды", - деп хабарлайды Мәжіліс баспасөз қызметінің өкілдері.
Мәжілісмендерге арнаған сөзінде Алдабергенов Жеңіс Қасымбек үкімет жұмысының стратегиялық бағыттарында шешімдер қабылдау үшін қажетті құзыретке ие екенін атап өтті. Мәжіліс Комитетінің мүшелері Қасымбекке бірқатар сұрақтар қойып, талқылаудан кейін тиісті қорытынды қабылдады.
"Құжатта атап айтқанда: "Парламент мәжілісінің экономикалық реформа және өңірлік даму комитеті премьер-министр ұсынған Қасымбек Жеңіс Махмұдұлының кандидатурасын "Қазақстан Республикасының Парламенті және оның депутаттарының мәртебесі туралы" Конституциялық заңның 22-1-бабына сәйкес қарап, аталған кандидатураны премьер-министрдің орынбасары лауазымына тағайындау үшін ұсыну мүмкін деп санайды". Соңында депутаттар үміткерге алдағы уақытта да табыс тіледі", - делінген Мәжіліс сайтында.
