Зейнетақы жинағын алуға қатысты жағдай бағдарламаға деген сенімді жояды - сенатор

Гүлнара Досымшалова Корреспондент

Сенатор Нұрлан Қылышбаев 2022 жылы жинақталған зейнетақы қаражатын алудың жеткіліктілік шегін көтеру туралы айтты. Сенатордың айтуынша, зейнетақы жинақтарын алып тастау қазақстандықтардың бағдарламаға деген сеніміне нұқсан келтіреді, - деп хабарлайды Tengrinews.kz тілшісі.

Сенатор Нұрлан Қылышбаев 2022 жылы жинақталған зейнетақы қаражатын алудың жеткіліктілік шегін көтеру туралы айтты. Сенатордың айтуынша, зейнетақы жинақтарын алып тастау қазақстандықтардың бағдарламаға деген сеніміне нұқсан келтіреді, - деп хабарлайды Tengrinews.kz тілшісі.

Сенатор премьер-министр Асқар Маминге депутаттық сауал жолдады. Қылышбаев Мемлекет басшысы зейнетақы шоттарынан артық жинақтарын алу мүмкіндігі берілген азаматтардың шеңберін кезең-кезеңімен кеңейтуді тапсырғанын еске салды. Бірақ қазіргі уақытта, қоғамда талқыланып жатқан шекті сомалардың алдағы қайта есептелуі, керісінше, жинақтарын пайдалана алатын адамдардың санын азайтып отыр.

"Өз жинақтарының бір бөлігін пайдалана алатын БЖЗҚ салымшыларының саны енді күрт төмендеуі мүмкін. Егер 2021 жылы олардың саны 700 мыңнан астам Қазақстан азаматы болса, 2022 жылы бұл сан түбегейлі өзгереді. Өйткені жеткіліктілік шегі ең жас қатысушылар үшін 63 пайыздан 82 пайызға дейін өсті. Қазіргі жағдай бұл бағдарламаның сенімділігіне нұқсан келтіреді", - деді депутат Қылышбаев Сенат отырысында.

Осыған байланысты сенатор Министрлер Кабинетінің басшысынан жылдық инфляция деңгейінен аспайтын шекті ұлғайту мүмкіндігін қарастыра отырып, ең төменгі жеткіліктілік шегін есептеу әдістемесіне өзгерістер енгізу мәселесін қарастыруды сұрады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Зейнетақы Сенат