+7 (777) 001 44 99
Қазақша
Русский
English
Астанада "Бәйтерек" монументі күрделі жөндеуден өтті. Tengrinews.kz тілшісі Қазақстан астанасының басты символына айналған ғимаратта болып қайтты.
Астананың көрікті жерлерінің бірі болып саналатын ғимаратқа күрделі жөндеу жұмыстары 2017 жылдың басында басталды. "Бәйтеректің" вентиляциялары, ауа өткізгіштері және санитехникасы ауыстырылды, сонымен қатар кондиционер жүйесі жөнделді.
Монументтің сырты сырланды, мәрмәр плиталары, баспалдақ ауыстырылды. Түрлі түсті гаммасы бұрынғы болып қала берді - ақ және алтын түстер.
Жарылған шыны пакеттер қайта ауысытырылып, орнына берік шыны салынды. Италиялық технологиямен шығарылған шыны пакеттері суыққа шыдап, елорданың қатты желіне де төтеп береді.
Сонымен қатар, лифт шахталарында екі жақты шыны пакеттер орнатылған энергияны үнемдеу құрылғылары орнатылған. Сәулетші мұнда силикон герметик қолданыпты, ол шынылардың жарылып кетуінен сақтайды.
Ішкі безендірілуінде де өзгерістер болды: үлкен зал, кофехана, сувенир салоны мен гардероб жаңарды.
"Бәйтерек" монументіне өзгерістер енгізілгеннен кейін мүмкіндігі шектеулі жандарға барлық жағдай жасалған.
