+7 (777) 001 44 99
Қазақша
Русский
English
Жыл сайын асырап алынған жетімдердің 10-15-і балалар үйлеріне қайтарылады, - деп хабарлайды Tengrinews.kz тілшісі ҚР БҒМ Балалар құқықтарын қорғау комитетінің төрайымы Мәншүк Әбдікәрімге сілтеме жасап.
"Өкінішке қарай, балалардың қайтып алынатын жағдайлары болып тұрады. Біздің жыл сайын жасалатын статистикамызға қарағанда, жылына 10-15 бала балалар үйлеріне қайтып келеді. Негізінен, бұған ата-аналардан аурулардың анықталуы, ата-ана мен баланың өзара үйлеспеуі сияқты жағдайлар себеп болады. Ата-аналардың өздері баланы қабылдауға дайын емес болып шығады", - деді ол Орталық коммуникациялар қызметінде өткен брифингте.
Әбдікәрім балалар үйлерін отбасылардың базасында ашу жұмысы қолға алынып жатқанын айтты. "Қаржыландыру формасын ұсынатын боламыз, тиісінше, барлық шығысты ескереміз. Егер өз отбасына балалар үйлерінің 10 тәрбиеленушісін қабылдауға келісім бергендер болса, оларға тиісті шығындарын өтеу мүмкіндігін қарастырамыз, шығындармен бірге жалақыны, жөндеуді қарастыратын боламыз", - деді ол.
