+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы мен Астана қалаларындағы жанар-жағармай құю бекеттерінің көпшілігінде бензин бағасы төмендеді, - деп хабарлайды Tengrinews.kz тілшісі.
Алматы мен Астана қалаларындағы жанар-жағармай құю бекеттерінің көпшілігінде бензин бағасы төмендеді, - деп хабарлайды Tengrinews.kz тілшісі.
Алматы қаласында 4 ақпан күнгі жағдай бойынша, АИ-92 маркалы бензиннің бағасы 2-3 теңгеге төмендеді. Еске сала кетейік, бұл маркадағы бензиннің әр литрінің шекті бағамы 109 теңге болатын. Мегаполисте бензиннің бұл бағасы тек "Газпромнефть" жанар-жағармай құю бекеттерінде сақталды.
Helios, "ҚазМұнайГаз", Sonar және Castrol жанар-жағармай құю бекеттері АИ-92 бензинінің әр литрін 107 теңгемен сатып жатыр. Ал Sinoil мен Royal Petrol жанар-жағармай құю бекеттерінде бензин бір теңгеге арзан. Қала бойынша ең арзан бензин Total Asia жанар-жағармай құю бекеттерінде екені анықталды, мұнда бензиннің әр литрі - 104 теңге. Айта кетейік, Total Asia жанар-жағармай құю бекеттерінің желілері мұндай бағаны 23 қаңтарда қойған. Сонымен қатар, дизель отынының да бағасы өзгерді. Sinoil мен "Газпромнефть" жанар-жағармай құю бекеттерінде дизель отынының бағасы - 107 теңге, ал қалғандарында - 105 теңге. АИ-95/96 маркалы бензиннің бағасы 148-ден 157 теңгеге дейінгі аралықта. Айта кетейік, бұл маркалар үкімет бекіткен шекті бағамдар бойынша қадағаланбайды.
Астанада да бензиннің бағасы біршама төмендеді. Helios, "Асқар", Nomad Oil және "ҚазМұнайГаз" жанар-жағармай құю бекеттерінің барлығында дерлік АИ-92 бензинінің бағасы 107 теңгеге дейін төмендеді. Ал Sinoil жанар-жағармай құю бекеттері бұл маркадағы бензиннің әр литрін 106 теңгемен сатып жатыр.
Еске сала кетейік, бензиннің бағасы 23 қаңтарда төмендеді, алайда ол кезде Алматының тек бір ғана жанар-жағармай құю бекеті бензинді шекті бағамнан төмен бағада сатты. Аймақтарда да бензин арзандады, Шымкентте АИ-92 бензинінің әр литрі 105-107 теңгемен, ал Қызылордада 108 теңгемен сатылды.
