Altyn Bank басқарма төрағасы ауысты, - деп хабарлайды Tengrinews.kz тілшісі.
Altyn Bank басқарма төрағасы болып Марат Әлменов тағайындалды.
Қаржы инстиутының мәліметінше, директорлар кеңесі Асқар Смағұловтың өкілеттігін мерзімінен бұрын тоқтату туралы шешім қабылдады. Марат Әлменов бұл қызметіне 2018 жылдың 4 маусымында кіріседі.
Осыған дейін "Қазақстан Ұлттық банкі" АҚ өкілдерінің "Altyn Bank" АҚ-тың 60 пайыздық үлесін сату туралы келісімді аяқтағаны жайлы айтылған болатын. Үлестің 50,1 пайызы China CITIC Bank Corporation Limited компаниясына, ал қалған 9,9 пайызы China Shuangwei Investment Co., Ltd. компаниясына сатылғаны айтылады.
