+7 (777) 001 44 99
Қазақша
Русский
English
Азия даму банкі бюджетті үнемдеу үшін бірінші сыныптық әуе сапарларынан бас тартады, деп хабарлайды Tengrinews.kz тілшісі АДБ президенті Такехико Накаоға сілтеме жасап.
"Басқарушылар кеңесі мүшелері тағы бір мәселені - іссапарлар шығынын азайтуды көтеріп отыр. Біз миссиялардың және миссиялармен сапар шегетін адамдардың қатарын азайтқымыз келеді, ондай сапарлар бір-бірін қайталамауы керек. Сондықтан біз бұдан былай бірінші сыныппен ұшуды доғаруды ұйғардық. Бұл ұсақ-түйек қана, дегенмен біз сонымен бірге, бұл мақсаттар үшін арнайы машиналарды емес, таксилерді қолдану керек деп шештік", - деді Такехико Накао АДБ 47-отырысын өткізу нәтижелері бойынша өткен қорытынды баспасөз мәслихатында.
Накао көптеген дамушы елде уақытша тұру шығындарының артып отырғанын айтты. "Біздің келешектегі бюджетіміз мейлінше үнемді негізде болуы үшін біз үнемдеудің бар мүмкіндіктерін қарастырамыз. Әрине, біз бұл жұмысқа ең белсенді, әрі кәсіпқой адамдарды тартқымыз келеді", - дейді Накао.
