+7 (777) 001 44 99
Қазақша
Русский
English
Қазақстанда ең көп банкомат Алматыда қойылған. Оңтүстік астанада қазір екі мыңнан аса банкомат бар, - деп хабарлайды Ranking.kz.
2019 жылдың қарашасындағы есеп бойынша, елімізде банкоматтар желісі 8,3 пайызға өскен. Қазір Қазақстанда 11,7 мың банк құрылғысы бар. Бұл банкоматтардың 39,3 пайызында қаражатты алып қана қоймай, ақша салуға да болады.
Биыл Алматыда 359 банкомат қойылған, қазір оның саны 2,2 мыңға жетті. Ал Нұр-Сұлтанда банкоматтар саны 240-қа азайған. Қазір елордада 1,4 мың банкомат бар.
Үздіктер қатарына Қарағанды облысы кіреді: мұнда 977 банкомат бар. Биыл Қарағанды облысында 149 құрылғы қойылған. Еліміздегі банкоматтардың 30,9 пайызы осы үш аймақта тіркелді.
Естеріңізге салсақ, Қазақстанда қазір 27 банк жұмыс істеп тұр.
