Қазақстанда 2023 жылдың аяғына қарай инфляция бәсеңдейді - Ұлттық банк

Дина Шарипханова Корреспондент

Фото: Tengrinews.kz/Тұрар Қазанғапов

2023 жылдың аяғына қарай Қазақстандағы инфляция базалық мөлшерлеме бойынша шешімдер қабылдану жағдайында ағымдағы деңгейден 7,5-9,5 пайызға дейін төмендейді. Бұл туралы Ұлттық банк төрағасының орынбасары Ақылжан Баймағамбетов айтты, - деп хабарлайды Tengrinews.kz тілшісі.

2023 жылдың аяғына қарай Қазақстандағы инфляция базалық мөлшерлеме бойынша шешімдер қабылдану жағдайында ағымдағы деңгейден 7,5-9,5 пайызға дейін төмендейді. Бұл туралы Ұлттық банк төрағасының орынбасары Ақылжан Баймағамбетов айтты, - деп хабарлайды Tengrinews.kz тілшісі.

"Инфляция, біздің болжамдарымыз бойынша, базалық мөлшерлеме бойынша қабылданатын шешімдер, контрциклдік фискалдық ережені жоспарлы түрде жүзеге асыру, сыртқы инфляциялық қысымды кезең-кезеңмен төмендету аясында 2023 жылдың аяғына қарай ағымдағы деңгейден 7,5-9,5 пайызға дейін бәсеңдейді", - деді Баймағамбетов Үкімет отырысында.

Спикердің айтуынша, қазір Ұлттық банкте кезекті болжам жасау раунды өтіп жатыр, оның қорытындысы биыл 5 қыркүйекте жарияланады.

Орта мерзімді перспективада жаңа сілкіністер болмаған жағдайда инфляция 2024 жылдың аяғына қарай мақсатты дәлізге жақындайды, деп қосты Баймағамбетов.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Қазақстан Ұлттық Банк