+7 (777) 001 44 99
Қазақша
Русский
English
Қарағанды облысының тумасы, 12 жастағы Тұрсынхан Еркін Ыстамбұлда балалардың Bala Turkvizyon халықаралық ән конкурсында екінші орын алды, - деп хабарлайды Tengrinews.kz тілшісі.
Bala Turkvizyon-Қазақстан ұйымдастырушыларының хабары бойынша, Bala Turkvizyon финалистерінің арасында Тұрсынхан "Түркі әлемінің алтын даусы" арнайы атағын алды. "Ересектер арасындағы Turkvizyon байқауының гранд-финалын тұңғыш рет ол "Самға" деген әнмен ашады және үш мың адамдық залда диплом алады. Қазақстанда Әлия Назарбаеваның "Жандану әлемі" қоры 8 маусым мен 20 қыркүйек аралығында елдің барлық өңірінде ұйымдастырған конкурсының ұлттық іріктеуі Халықаралық ұйымдастыру комитетінің шешімімен 22 ел арасында үздік деп танылды", - деді ұйымдастырушылар.
Тұрсынхан Еркін. Суретті ұйымдастырушылар жолдады.
Bala Turkvizyon-Қазақстан ұйымдастырушылары "Жандану әлемі" қорының Тұрсынхан Еркінге арнайы жазылған жаңа әндер кіретін музыкалық дискіні басып шығаруға бас серіктес болатынын да айтып отыр.
Суретті ұйымдастырушылар жолдады.
Еске салайық, Тұрсынхан - Қарағанды облыстық өңірлік кастингінің жеңімпазы. Оның тәлімгері әрі продюсері әнші Нұржан Керменбаев. Bala Turkvizyon-Қазақстан финалына "Самға" атты ән жазылған.
