+7 (777) 001 44 99
Қазақша
Русский
English
Қазақша
Русский
English
Қазақстандық әнші Димаш Құдайбергенов I am a Singer конкурсының үшінші кезеңінде үшінші орын алды, - деп хабарлайды Tengrinews.kz тілшісі.
Бұл туралы Instagram желісінде әншінің PR-менеджері Алпамыс Шаримов сүйіншілеп, хабарлады. Ал жалпы есепте әнші бірінші орында келеді.
"Сүйінші, Достар! Димаш келесі кезеңге жолдама алды - жалпы есепте 1-орын!", - деп жазды әншінің өкілі.
Сонымен, 3-ші байқау күнінің қортындысы:
Майкл Вонг (46 жас. Малайзия) - 2-ші байқау күні бойынша жарыстан тыс қалды.
Тиа Рэй (32 жас. Қытай) - 8-орын. Жалпы есеп бойынша байқаудан тыс қалды.
Тереза Карпио (61 жас. Канада) - 7-орын. Жалпы есепте 7-орын.
Чжао Ли (31 жас. Қытай) ЖАҢА ӘНШІ - 2-орын. Жалпы есепте 6-орын.
Чжан Цзе (35 жас. Қытай) ЖАҢА ӘНШІ - 4-орын. Жалпы есепте 5-орын.
Сэнди Лэм (51 жас. Гонконг) - 6-орын. Жалпы есепте 4-орын.
Тан Цзин (40 жас. Қытай) - 1-орын. Жалпы есепте 2-орын.
"Lion" тобы (Тайвань) - 5-орын. Жалпы есепте 3-орын.
Димаш Құдайберген (22 жас. Қазақстан) - 3-орын. Жалпы есепте: 1-орын.
© instagram.com/kudaibergenov.dimash
Сондай-ақ, Шаримовтың айтуынша, келесі аптада 7 әнші өнер көрсетеді. Бір әнші байқаудан тыс қалыпты.
Кейінірек әншінің өзі қолдау білдірген тыңдармандарына алғыс айтты. "Аллаға шүкір! Келесі кезеңге жолдама алдым! Тыңдармандарым, қалың көрермен, жанкүйерлерім өнерімнен шабыт алса - мен үшін сол жеңіс!!! Жақсы көрем бәріңізді! Раxмет!", - деп жазды Димаш Құдайбергенов.
Айта кетейік, осыған дейін Димаш Құдайбергенов 28 қаңтарда Қытайда өтіп жатқан I am a Singer музыкалық конкурсының екінші кезеңінде де жеңімпаз атанған болатын. Әнші ресейлік атақты Витастың "Опера 2" атты туындысын орындаған еді. Видеоны мына жерден көруге болады.
Ал бірінші кезеңде ол француз тілінде SOS d'un terrien en détresse әнін орындап, жеңімпаз атанған еді.
