+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Әйгілі рок-музыкант Виктор Цойдың туысқан інісі Владимир Цойдың анасы ұлын қаржы жоқтығынан жерлей алмай жүр. Ер адам 8 тамызда жүрегі тоқтап, көз жұмған. Бұл туралы оның анасы Tengrinews.kz тілшісіне берген сұхбатында айтып берді.
Әйгілі рок-музыкант Виктор Цойдың туысқан інісі Владимир Цойдың анасы ұлын қаржы жоқтығынан жерлей алмай жүр. Ер адам 8 тамызда жүрегі тоқтап, көз жұмған. Бұл туралы оның анасы Tengrinews.kz тілшісіне берген сұхбатында айтып берді.
Виктор Цойдың әкесі Роберттің әпкесі Татьяна Цойдың сөзінше, қазір оның ұлын әкімдік қаржысына жерлеу қарастырылған. Владимир Цой анасының үйін сатудан түскен ақшаны жұмсап тастағаннан кейін осындай ауыр күйге түскен. "Біз Қызылордаданбыз. Мен оған көмектесейін деп, үйімді саттым. Ол оның ақшасын шашып тастады. Немереммен бірге далада қалдық, Алматыдан шыға алмай қалдым, бір ғана зейнетақыға күн көріп отырмын. Мен де ақша қайдан болсын?", - дейді Татьяна Цой.
Ол мәйітхана қызметкерлеріне 39 жастағы ұлын өз күшімен жерлей алмайтындықтан мүрдеден бас тартанынын жазған. Ал қызметкерлер Владимир Цойдың мүрдесі қазір мәйітханада жатқанын растады.
"Егер мүрдені 10 күн ішінде алып кетпесе, онда ол әкімдік қаржысына Батыс зиратына жерленеді. Жеке қабірге қойылады. Басына ағаш тақтайша қойылады. Аты-жөні жазылмайды, тек нөмірі жазылады", - деп түсіндірді мәйітхана қызметкерлері.
Мамандардың есебі бойынша, басына құлпытас қойып жерлеу құны 70 мың теңге шамасында болады.
Қазіргі кезде Татьяна Цой Алматыда Қалқаман ықшамауданында тұрады. Ол барақ үйлерде бір бөлмені жалдап отыр. Әйелдің қолында 18 жастағы немересі бар.
