+7 (777) 001 44 99
Қазақша
Русский
English
Астана күнін мерекелеу жөніндегі ұйымдастыру комитеті Нелли Фуртадоның келетіні туралы ақпаратты техникалық қателік деп атады. Ұйымдастыру комитетінің медиа-штабы Tengrinews.kz тілшісіне канадалық әншінің Астананың 16 жылдығына арналған мәдени шараға қатыспайтынын хабарлады.
"Ұйымдастыру комитеті медиа-штабы редакторының техникалық қателігіне байланысты жаңылыс хабар тарады. Нелли Фуртадоның келуі тіпті жоспарланбаған еді", - деп хабарлады медиа-штаб өкілдері.
Бұған дейін 6 шілдеде өтетін гала-концерттің басты қонағы Нелли Фуртадо болатыны жария етілген еді. Ұйымдастырушылардың мәліметінше, Астана күніне арналған "Асқақтай бер, Астана!" шарасына Қазақстан мен дүниежүзі эстрадасының The Jigits, Ғалымжан Молданазаров, Қайрат Нұртас, "Пицца", Полина Гагарина, Blue сияқты жұлдыздары қатысады.
