+7 (777) 001 44 99
Қазақша
Русский
English
"Астана Опера" театрында әйгілі композитор Вольфганг Амадей Моцарттың 260 жылдығына арналған концерт өтеді, - деп хабарлайды Tengrinews.kz тілшісі.
"Симфоника" циклынан берілетін концерт 28 қаңтарда болады. Данышпан Вольфганг Амадей Моцарттың ұлы жауһарларын бұл кеште ҚР еңбек сіңірген қайраткері Абзал Мұхитдинов басшылық ететін "Астана Опера" Симфониялық оркестрі орындайды, концерттің бірінші бөлімінде халықаралық конкурстардың лауреаты Жібек Сапарғалиева өнер көрсетеді.
Екінші бөлімде тыңдарманды ҚР еңбек сіңірген қайраткерлері Айгүл Ниязова, Дина Хамзина және Нарұл Тойкенов, Арменияның халық әртісі Барсег Туманян, сонымен қатар ҚР еңбек сіңірген қайраткері Ержан Дәуітов жетекшілік ететін Камералық хор қуантады.
Мерейтой концертінің бағдарламасына классикалық симфония жанрының негізін қалаушы Моцарттың ең танымал шығармалары кірді.
