1. Басты
  2. Біл
  3. Мәдениет
  4. Әуен

Данэлия Төлешова America's Got Talent шоуының финалына өтті17 қыркүйек 2020, 09:07

Данэлия Төлешова America's Got Talent шоуының финалына өтті. Қазақстандық орындаушы бір тәулік ішінде АҚШ-та өткен көрермендердің дауыс беру нәтижесі бойынша фавориттер қатарында болды, - деп хабарлайды Tengrinews.kz тілшісі.

Финалға өту үшін дауыс беруге қатысушылардың үштігінде Данэлия да болған.

Айта кетейік, America's Got Talent шоуының 15-маусымының финалы 22 қыркүйекте NBC телеарнасының тікелей эфирінде өтеді.

"Осы уақыт бойы мені қолдап жатқандардың барлығына рақмет. Бұл шешуші апта болады, көп жұмыс істеу керек, қатты тырысамын", - деді Данэлия.

Әншінің қандай ән орындайтыны әзірше белгісіз.

Еске салайық, мұның алдында Төлешова America’s Got Talent шоуының жартылай финалында өнер көрсеткені хабарланған болатын. Данэлия ұлыбританиялық танымал әншіні Jessie J "Who you are" әнін орындаған еді.

Қазақстан жаңалықтары. Соңғы жаңалықтар. Telegram желісінде бізге жазыл!