Димаш Құдайберген "Әлем аруы" байқауында қазақша ән айтты

09 Желтоқсан 2018, 09:26
1
Димаш Құдайберген "Әлем аруы" байқауында қазақша ән айтты - Димаш Құдайберген "Әлем аруы-2018" байқауының сахнасында. © instagram/kudaibergenov.dimash
Димаш Құдайберген "Әлем аруы-2018" байқауының сахнасында. © instagram/kudaibergenov.dimash

Қазақстандық әнші Димаш Құдайберген "Әлем аруы-2018" сұлулық байқауының сахнасында өнер көрсетті, байқаудың финалы 8 желтоқсанда Хайнань қытай аралында өтті. Бұл туралы сұлулық байқауының Instagram желісіндегі ресми парақшасында хабарланды. 

"Халықаралық жүлденің иегері, жұртты таңғалдырған әнші Димаш тамаша орындауымен, вокалдық керемет диапазонымен көрермендерді тәнті етті", - деп жазды ұйымдастырушылар.


© instagram/missworld

Димаш Құдайберген қазақ тілінде "Ұмытылмас күн" әнін орындады - ол оның композиторлық жұмыстарының бірі. Бұл орындау әлеуметтік желіде қолданушыларды таңғалдырды.

"Осыдан бір-екі жыл бұрын "Әлем аруы" байқауында қазақша ән шырқалады деп кім ойлаған. Димаш, сен мүмкін емес дүниелерді жүзеге асырып жатырсың", - деп жазылған қазақстандық әншінің табынушыларының парақшасында.

Бұған дейін "Әлем аруы-2018" байқауы финалының тікелей көрсетілімін әлемнің 200 елінен миллиардтан аса көрерменнің тамашалайтыны хабарланған.

Димаш Құдайберген байқауға Қазақстан атынан қатысқан Екатерина Дворецкаяны қолдау үшін барды.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай