+7 (777) 001 44 99
Қазақша
Русский
English
24 мамырда қазақстандық әнші Димаш Құдайберген 27 жасқа толды. Оның туған күнін әртүрлі елдегі мыңдаған жанкүйері бірге атап өтеді, - деп хабарлайды Tengrinews.kz тілшісі "Хабар 24" телеарнасына сілтеме жасап.
Димаштың жанкүйерлері әншіге Желіде өлең мен музыкалық шығарма арнап жатыр. Олар Димашқа жүрекжарды тілектерін жариялады.
Димаш алғаш рет 2017 жылы Қытайда белгілі телевизиялық шоуға қатысқан кезде танылған. Кейін ол сол байқауда екінші орын иеленді. Бірнеше ай ішінде Димаш Құдайберген миллиондаған көрермен сүйіктісіне айналды.
Шолпан Табаева - Димаштың жанкүйерлерінің бірі. Алматылық зейнеткер Димаштың Америка, Англия, Қытай, Ресейде ұйымдастырған концерттеріне қатысқан. Ол әлеуметтік желілерде Dimash Salem фан-клубын құрған. Онда әртүрлі елден 30 мыңнан аса оқырман тіркелген.
"Біз күн сайын Димаштың өмірінде не болып жатқанын айтып береміз. Әлеуметтік желілерде пікір жазамыз. Әлемді Димаштың шығармашылық өмірінде не болып жатқанын ғана емес, Қазақстанмен, қазақ мәдениетімен де таныстырамыз", - дейді әртістің жанкүйері.
Шолпан Табаева өз кумирімен кездескен күнді ең бақытты күні деп санайды. Ол тіпті әншімен тілдесіп үлгерген. Мүмкін ол кез келген жанкүйердің арманы шығар.
Фан-клубтың тағы бір мүшесі Шакира Жүнісова Димаштың туған күнінде өзінің жүрекжарды тілегін білдіреді. Жас әншінің өнеріне деген сүйіспеншілігі алты жыл бұрын пайда болған.
"Димаштың ең басты арманы - музыкалық әлемдегі ең танымал әлемдік жүлдені алу. Ал мен сол "Грэмми" сыйлығын иеленуін тілеймін. Ол бүкіл музыкалық сыйлыққа лайық, бірақ әлі жас. Оның бәрі алда", - дейді жанкүйер.
Қазір әлемнің 150 елінде Димаш Құдайбергеннің 200-ден аса фан-клубы бар.
Сонымен қатар, Димаш Құдайберген Instagram-дағы парақшасында қытайлық жанкүйерлерінің құттықтауын жариялады.
"Карантинге байланысты Қытайдан кеткеніме бір жылдан асқанына қарамастан жанкүйерлерім осындай құттықтау жасапты", - деп жазған әнші.
Посмотреть эту публикацию в Instagram
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
