+7 (777) 001 44 99
Қазақша
Русский
English
"Грэмми" сыйлығының иегері Иманбек Зейкенов норвегиялық диджей Алан Уокермен бірге "Sweet Dreams" әні мен бейнебаянын шығарды, - деп хабарлайды Tengrinews.kz тілшісі.
Жаңа тректің шығуы туралы қазақстандық диджей Instagram-парақшасында хабарлады.
Танымал музыкант Алан Уокер де Instagram-да композицияның шығатынын хабарлады. Айта кетейік, диджей "Faded", "Sing Me to Sleep" және "Alone" сияқты хиттерімен әйгілі.
Жаңа трекке Скэтмэн Джонның "Skatman" әні негіз болған.
Бейнебаянда ақ маска таққан адам Иманбекті көрсетеді. Пікір білдірушілер ол шынымен қазақстандық диджей ме, әлде оның орнына басқа адам түскен бе деген болжам жасап жатыр.
Посмотреть эту публикацию в Instagram
Еске салайық, жақында қазақстандық диджей Billboard Awards жүлдесінің иегері атанды. Иманбек Зейкенов Saint JHN-ның Roses әніне жасаған ремиксі үшін "үздік электрон ән" номинациясында марапатқа ие болды.
Бұған дейін ол осы композиция үшін Grammy алған еді.
Сонымен қатар, Imanbek ресейлік Forbes-тің "30-ға дейінгі 30" рейтингіне енді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
