Желіде Imanbek, Sean Paul және Sofia Reyes-тің бейнебаяны жарық көрді

Иманбек Зейкеновтың Sean Paul және Sofia Reyes-пен бірге жазған Dancing on Dangerous әніне түсірілген бейнебаян жарық көрді, - деп хабарлайды Tengrinews.kz тілшісі.

Бейнебаян Sofia Reyes-тің YouTube-тегі арнасында жарияланды. Қазіргі уақытта ол 700 мыңнан аса қаралым жинады.  

Бұдан бұрын "Грэмми" сыйлығының иегері, қазақстандық музыкант Иманбек Зейкенов Sean Paul және Sofia Reyes-пен жаңа сингл шығарғаны хабарланған болатын. 

Еске салайық, Imanbek ресейлік Forbes және "По студиям" YouTube-арнасына сұхбат берді. Оның Roses (SAINt JHN) әніне ремиксі "Грэмми" (Grammy) сыйлығын жеңіп алды. Кейін қазақстандық диджей "Вечерний Ургант" бағдарламасында қонақ болып, өзі және жоспары туралы айтып берді. 

Imanbek жеңіп алған "Грэмми" туралы не білеміз?

Иманбек танымал болғанға дейін Павлодар облысында (Ақсу) теміржолшы болып жұмыс істеген. Музыканың жаңа қырын өзі үйренген. Айтуынша, ол теміржолдан баяғыда кеткен және қазір шығармашылықпен айналысады.  

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!