+7 (777) 001 44 99
Қазақша
Русский
English
04 наурыз 2020 | 18:44
Кремльде Димаш Құдайбергеннің концертін қойған режиссер "Шәмші әлемі" концертін ұсынады
Қазақстанның халық әртісі, қазақ вальсінің королі Шәмші Қалдаяқовтың 90 жылдығына орай Нұр-Сұлтан (19 наурыз) және Алматы (14 наурыз) қалаларында "Шәмші әлемі" атты үлкен концерттік қойылым өтеді, - деп хабарлайды Tengrinews.kz тілшісі.
ПОДЕЛИТЬСЯ
Қазақстанның халық әртісі, қазақ вальсінің королі Шәмші Қалдаяқовтың 90 жылдығына орай Нұр-Сұлтан (19 наурыз) және Алматы (14 наурыз) қалаларында "Шәмші әлемі" атты үлкен концерттік қойылым өтеді, - деп хабарлайды Tengrinews.kz тілшісі.
Көрермен50-60-жылдардағы қайталанбас ретроатмосфераға кенеледі. Концертке Нұр-Сұлтан мен Алматыдан белгілі опера солистері қатысады. "Шәмші әлемі" концерттік қойылымына Берлиннен София Гарделадзе (сопрано), Бішкектен Саян Исин (тенор) және Конго Республикасынан "Джамбо-Джамбо" тобы арнайы шақырылған.
Сондай-ақ, Нұр-Сұлтандағы концертте қазақстандық танымал әнші, көпшіліктің сүйіктісі Сәкен Майғазиев өнер көрсетеді.
Жобаның авторы - композитордың ұлы, Абай атындағы опера және балет театрының дирижері, "Болашақ" бағдарламасының түлегі (Juilliard school, Нью-Йорк, АҚШ) Мұхтар Қалдаяқов. Шоу Астана симфониялық оркестрінің сүйемелдеуімен, барлық әннің жанды орындалуымен, Болат Аюхановтың жетекшілігімен, Қазақстан Республикасы Мемлекеттік классикалық би ансамблінің орындауындағы би композицияларымен ерекшеленеді. Спектакльдің режиссері - Кремльде Димаш Құдайберген концертінің қойылымын қойған украиналық танымал режиссер Андрей Еремин.
Сонымен қатар, әлеуметтік желілерде композитордың 90 жылдық мерейтойына орай Шәмші Қалдаяқовтың кез келген әнін орындап, өз парақшаңызға #ШӘМШІ90ЖЫЛ #ШАМШИ9090 хэштегтері арқылы жариялай аласыз.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
