+7 (777) 001 44 99
ПОДЕЛИТЬСЯ
Қырғызстандық Александр Волкодав "Ресей дауысы" шоуында жеңіске жетті, - деп хабарлайды Tengrinews.kz тілшісі "Бірінші арнаға" сілтеме жасап.
Қырғызстандық Александр Волкодав "Ресей дауысы" шоуында жеңіске жетті, - деп хабарлайды Tengrinews.kz тілшісі "Бірінші арнаға" сілтеме жасап.
Байқаудың финалында Александр Градскийдің командасынан қазақстандық Әлішер Кәрімов, Дима Биланның командасынан қазақстандық Ернар Сәдірбаев, Пелагея командасынан қырғызстандық Александр Волкодав және Леонид Агутиннің командасынан ресейлік Элина Пан өнер көрсетті.
Шоуды Леонид Агутин және оның шәкірті Норильск қаласынан келген Элина Пан ашты, олар дуэт ретінде Агутиннің "Включите свет" әнін орындады. Сахнаға екінші болып қазақстандық Ернар Сәдірбаев пен оның тәлімгері Дима Билан шығып, "Ты должна быть рядом" (авторлары: С.Әлиханов, С.Робсон, М.Эскоффери) әнін орындады. Үшінші дуэт Пелагея мен қырғызстандық Александр Волкодав болды. Олар ағылшын тілінде "Ойын" әнін шырқады (авторлары: Ф.Гарди, Д.Мор, У.Нокс, Дж. Сдужу).
Төртінші болып Әлішер Кәрімов шықты, бірақ жалғыз емес. Бұл спектакльге Александр Градскийдің видеосы қосылды. Ол тәлімгерімен бірге "Как молоды мы были" әнін орындады (авторлары: А.Пахмутова, Н.Добронравов).
Содан соң финалистер жеке өнер көрсетті.
Элина Пан "Любовь, похожая на сон" әнін (авторлары: И.Крутой, В.Горбачева), Ернар Сәдірбаев - "Ищу тебя" әнін (авторлары: А.Зацепин, Л.Дербенев), Александр Волкодав - "Казачья" әнін (авторлары: С.Трофимов), Әлішер Кәрімов - "Ноктюрн" әнін (авторлары: А.Бабаджанян, Р.Рождественский) орындады.
Финалға жеткен жалғыз ресейлік Элина Пан дауыс беру нәтижесінде жобадан шықты.
Келесі кезеңге Ернар Сәдірбаев "Освобожденная мелодия" композициясымен (авторлары: А.Норт, Х.Зарет), Александр Волкодав "Луч солнца золотого" (авторлары: Г.Гладков, Ю.Энтин), Әлішер Кәрімов Джулио Каччинидің "Аве Мария" әнімен шықты.
Ернар Сәдірбаев дауыс беру нәтижесі бойынша шоудан кеткен төрт финалистің екіншісі болды.
Байқау жеңімпазы қазақстандық Әлішер Кәрімов пен қырғызстандық Александр Волкодав арасында анықталды.
53,3 пайыз нәтижемен Александр Волкодав байқауда жеңіске жетті. Ал Әлішер Кәрімов 46,7 пайыз дауыс жинады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
