+7 (777) 001 44 99
Қазақша
Русский
English
Данэлия Төлешова Минскіге келді, - деп хабарлайды Tengrinews.kz тілшісі "Хабар 24" телеарнасына сілтеме жасап.
Данэлия Төлешова 25 қарашада Junior Eurovision-2018 ән байқауында еліміздің намысын қорғайды. Ал қазір дайындықтың соңғы кезеңі жүріп жатыр. Жас өнерпаз қобалжуға бой бермеу үшін күн сайын дайындалып жатқанын айтады.
"Бүгін дайындық базасына барамыз. Қобалжу сезімін жеңу үшін сайыс басталғанға дейін дайындаламын. Ойдағыдай өнер көрсетуім үшін сақадай сай болуым қажет. Қызу дайындық арқасында жоғары нәтижеге қол жеткіземін деп ойлаймын", - дейді Данэлия Төлешова.
Естеріңізге сала кетейік, бұл байқау бірнеше күннен кейін "Минск-Аренада" өтеді. Ал ертең жарыстың ресми ашылуы болады.
