+7 (777) 001 44 99
Қазақша
Русский
English
Қазақша
Русский
English
Екі рет "Грэмми" жүлдесіне үміткер болған танымал продюсер әрі композитор Джоэль Даймонд Лос-Анджелес метросында ән айтуымен танылған ресейлік эмигрантқа келісімшарт ұсынды, - деп хабарлайды TMZ.
Даймондтың айтуынша, ол Эмили Замуркамен бірге "классикалық және электронды-би музыкасы жанрлары араласатын жаңа хит" жазуға үмітті.
Еске салайық, бұған дейін Лос-Анджелес полициясы метроның бос платформасында ән айтқан үйі жоқ белгісіз әйелдің видеосын жариялаған. Онда әйел италиялық композитор Джакомо Пуччинидің "Джанни Скикки" операсынан ария орындайды.
4 million people call LA home. 4 million stories. 4 million voices...sometimes you just have to stop and listen to one, to hear something beautiful. pic.twitter.com/VzlmA0c6jX
— LAPD HQ (@LAPDHQ) September 27, 2019
Үй-күйі жоқ әйел 52 жастағы ресейлік Эмили Замурка болып шықты. Ол 1990-жылдардың басында АҚШ-қа көшіп кеткен. Әйелдің айтуынша, ол телевизиялық бағдарламаларда опера әншілерін тыңдап, ән айтуды үйренген. Замурка басында Миссуриде тұрғанын айтады, қарттар үйі мен мейрамханаларда жұмыс істеген. Кейін Вашингтон штатына көшіп, шіркеуде фортепианода ойнаудан сабақ бере бастаған. Алайда денсаулығында проблемалар болып, кейін қаржылық қиындықтарға байланысты далада қалған. Содан бері мемлекет беретін әлеуметтік төлемге өмір сүріп жүр - айына 400 доллар алады.
Әйелге көмектесу үшін полиция қалалық кеңеспен бірге қайырымдылық қорын ашқан, оған қазір 45 мың доллардан аса қаражат жиналған.
