+7 (777) 001 44 99
Қазақша
Русский
English
ҚР Мәдениет және спорт министрі Арыстанбек Мұхамедиұлы Қайрат Нұртастың вице-министр болып тағайындалуы туралы ақпаратты жоққа шығарды, - деп хабарлайды Tengrinews.kz тілшісі. Айта кетейік, әншінің вице-министр болғаны туралы ақпарат еліміздегі ақпараттық порталдардың бірінде жарияланған болатын.
"Арнайы талаптар, тәртіптер бар. Жаңа заңнамада өте қатаң талаптар белгіленді. Мысалы, сіздер журналист болып жұмыс істейсіздер, кейін бөлім меңгерушісі, одан кейін жетекші, басқарма төрағасы боласыздар. Барлығымыз осы жолдан өттік. Осылардың бәрінен өту керек", - деді Мұхамедиұлы телефон арқылы берген сұхбатында.
Еске салайық, Қайрат Нұртас наурызда өткен сайлау кезінде Парламент Мәжілісі депутаттығына ең жас кандидат болған еді. 2016 жылдың 25 ақпанында ол 27 жасқа толды.
