+7 (777) 001 44 99
Қазақша
Русский
English
Қазақша
Русский
English
Биыл "Новая волна" халықаралық вокал байқауында Mezzo тобы Қазақстан намысын қорғайды, - деп хабарлайды Tengrinews.kz тілшісі.
Мәскеуде жартылай финалға бірнеше күн бойы іріктеу өтті. Оған Ресей, Беларусь, Украина, Қырғызстан, Армения, Грузия, Израиль, Аустрия, Аустралия, Нидерландыдан 80 музыкант қатысты. Онда Mezzo тобы ABBA тобының репертуарынан, Westside story мюзиклінен ән орындады, өздерінің авторлық әнін де айтты. 19-25 тамыз аралығында Сочиде өтетін байқаудың финалына 20 әртіс өтті.
Mezzo - классикалық және танымал музыка элементтерінің синтезі саналатын классикалық кроссовер бағытында жұмыс істейтін Қазақстандағы алғашқы вокалдық топ. Олар 2012 жылы құрылған. Топта Жасұлан Сыдықов, Жәнібек Сейдахметов, Асан Нұрбергенов және Мейірхан Жантұрғанов ән айтады. Ұжым 2012 жылы X Factor Kazakhstan конкурсында 2-іші орын алып, танымалдылыққа ие болған.
Айта кетейік, балалар арасындағы "Новая волна" іріктеуінде Қазақстаннан финалға 11 жастағы Жан Маким өтті. Іріктеу үш кезеңнен тұрды. Қазылар алқасы мыңнан аса қатысушы арасынан Жанды таңдады.
Ол музыкамен шамамен төрт жыл бұрын айналыса бастаған. Фортепианода, электр гитарада, укулеледе, барабанда ойнайды. 2019 жылы Жан Маким Ресейдегі "Голос. Дети" байқауына өтіп, Валерий Меладзенің командасына түскен. Ал 2020 жылы "Балалар Евровидениесі" байқауының финалисі болды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
