+7 (777) 001 44 99
Қазақша
Русский
English
Белгілі продюсер, әнші Қыдырәлі Болманов пен Қарақат Әбілдинаның ұлы Бекболат Болманов Астананың ең ақылды жастарының бірі атанды, - деп хабарлайды Tengrinews.kz тілшісі "Жас Отан" жастар қанатының Астана қалалық филиалының баспасөз қызметіне сілтеме жасап.
Баспасөз қызметінің мәліметінше, "Жас Отан" ЖҚ Астана қалалық филиалы 13 сәуірде жастар арасында "IQ START" интеллектуалдық тестілеуін өткізді. Бұл шараға Астана қаласынан 84 мектептің 400-ден аса оқушысы қатысқан.
"Жеті адам ең үздік нәтиже көрсетті. Олардың арасында белгілі продюсер, әнші Қыдырәлі Болманов пен Қарақат Әбілдинаның ұлы Бекболат Болманов бар. Ұлының нәтижесіне көңілі толған әкесі "Жас Отан" ЖҚ Астана қалалық филиалына алғысын білдірді", - делінген хабарламада.
"Қасиетті жұмада кенжеміз мұсылман болып, сүндетке отырды. Әрбір әке Алла бере салғандарының кішкентай ғана болса да жетістігін,жеңісін көруге қуанышты...Тұңғышымыздың "Жас Отаннан" алған тұңғыш сертификатымен құттықтай отырып, Еліне қызмет жасайтын Ұлан болуын, барлық балаларға Алланың сүйікті құлы болуын тілеймін! Қайырлы кеш, Қазақ Елі", - деп жазды Қыдырәлі Болманов Instagram желісіндегі парақшасында.
