+7 (777) 001 44 99
Қазақша
Русский
English
Қазақша
Русский
English
"Евровидение - 2014" байқауына Ресейдің атынан қатысушы апалы-сіңлілі Настя мен Маша Толмачевалар музыка бәсекесі саяси жанжалдарсыз өтеді деп үміттенеді. Бұл туралы РИА Новости хабарлайды.
"Біз саясатқа қатысты жайттарға түсінік бермейміз. Оның бізге әсте қатысы жоқ. "Евровидение" - музыкалық байқау. Ол саяси жанжалдардан тыс жағдайда өтеді деп үміттенеміз", - дейді Толмачевалар байқаудың ресейлік pre-party-і кезінде.
Бұған дейін кейбір бұқаралық ақпарат құралдары ағылшын журналисі Уильям Ли Адамстың байқауда Толмачевалар орындайтын әннің сөзіне байланысты елең еткізетін мәлімдеме жасағанын хабарлаған еді. Адамстың айтуынша, Shine аталатын әнде Ресей мен Украина арасындағы қатынасқа емеурін бар. Атап айтқанда, екінші шумақтағы Living on the edge, closer to the crime - cross the line a step at a time деген жолдардағы the crime ("қылмыс") Crimea ("Қырым") болып естіледі.
Кейбір музыка сыншылары "Евровидениенің" ұйымдастыру комитетінен Ресейді байқаудан аластатуды сұрап отыр. Ұйымдастырушылар әзірше ешқандай пікір білдірген жоқ.
Shine әнінің авторлары - Димитрос Контопулос, Джон Баллард, Ральф Чарли және Джерард пен Джеймс Борг. Композитор - РФ халық әртісі Филипп Киркоров. Настя мен Маша Толмачевалар Копенгагенге сәуірдің 27-сінде аттанып, репетицияға кіріседі. Еске сала кетейік, "Евровидение - 2014" байқауы Данияның астанасында 6-10 мамыр аралығында өтеді. Биылғы байқауға 37 мемлекет қатысады.
