Сати Казанова жаңа альбомында қазақша әндер айтатынын жариялады

17 Наурыз 2017, 00:57
0
Сати Казанова жаңа альбомында қазақша әндер айтатынын жариялады - видеодан үзінді
видеодан үзінді
Сати Казанова жаңа альбомында қазақша әндер айтатынын жариялады -

Ресейлік белгілі әнші әрі жүргізуші Сати Казанова Нұрлан Қоянбаевтың "Түнгі студия" бағдарламасының қонағы болды, - деп хабарлайды Tengrinews.kz тілшісі.

Оның айтуынша, ол Астанадағы бағдарламаға бірінші рет қатысып тұрған жоқ. Ол елордаға әлеуметтік жобалар бойынша келген. "Бұл жас аналар академиясын қолдау мақсатында Ксения Безугловамен арнайы жоба. Сонымен қатар, йога бойынша семинарлар өткізіп, бірнеше кездесулер мен түсірілімдерге қатысамын", - деді ол. 

Жүргізушімен сөйлесу барысында жоспарында екі альбом шығару бар екенін айтты. Сонымен қатар, "Сати этника" жобасы да бар. "Бұл жобада этникалық әуендер болады, оның ішінде қазақ әндерін қосу ойымда бар, мүмкін бірінші альбомға емес, бірақ екінші не үшіншілеріне міндетті түрде қосамын. Егер сізде қазақтың ескі әрі әдемі әуендері болса жіберіңіз, мен оны қуана орындаймын. Мен өзім білетін қазақ тіліндегі екі ән бар, бірақ мен басқа да нұсқаларды қарауға дайынмын", - деді әнші. 

Казанова қазақ тілінде әндерді орындау тәжірибесі бар екенін айтты. Ол өзінің "До рассвета" әнін Астанада өткен Муз ТВ премиясында қазақ тілінде орындаған болатын. Сонымен қатар, ол Мәскеуде Comedy club шоуында осы әннің қазақша нұсқасының қайырмасын орындап бергенін айтты. 

Еске слайық, 2016 жылы 28 қарашада Қазақстан Президенті "Қазақстан" телеарнасының "Түнгі студияда" бағдарламасының қонағы болды. Бағдарламаның Instagram желісіндегі парақшасында Мемлекет басшысының және шоу жүргізушісі Нұрлан Қоянбаевтың суреттері пайда болды. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай