+7 (777) 001 44 99
Қазақша
Русский
English
Қазақстандық әнші Төреғали Төреәлінің концертін ұйымдастырушылар Орал қаласының келбетін бұзды деп айыпталып жатыр, - деп хабарлайды Tengrinews.kz тілшісі. Ұйымдастырушыларға афишаларды ілгені үшін 4,5 миллион теңге айыппұл салынады.
"Концерт ұйымдастырушылары жарнама туралы заңды бұзды, яғни барлық жерге афишаларды заңсыз ілді. Мамандарымыз 100-ден аса афиша барын анықтады, бұл баннерлерді қоспағанда. Ұйымдастырушылар заңды бұзып қана қоймай, қаланың көркін кетірді. Олар кейін афишаларды қайта алмайтыны белгілі ғой. Біз афишада көрсетілген нөмір бойынша қоңырау шалдық, телефонды көтерген адам мұның өзіне қатысы жоқ екенін айтып, тұтқаны қоя салды. 11 мамырда концерт өтеді, сол кезде полицейлермен бірге барып, айыппұл саламыз. 4,5 миллион теңге көлемінде", - дейді әкімдіктің сәулет және қала құрылысы бөлімінің бас маманы Ирина Вайдиева.
© Tengrinews.kz
Айта кетейік, мұндай жазаға Төреғали Төреәлінің концертін ұйымдастырушылар ғана ілігіп отырған жоқ.
