+7 (777) 001 44 99
Қазақша
Русский
English
Қазақша
Русский
English
Нұр-Сұлтандағы Арбаттың 5 жылдығына орай Zhuldyz LIVE жобасы ерекше шығарылым дайындайды, - деп хабарлайды Tengrinews.kz тілшісі.
Zhuldyz LIVE жобасында қазақстандық танымал өнер жұлдыздары әр апта сайын жанды дауыста ән айтып, сұхбат береді. Бұл жолы бағдарламның жаңа шығарылымы ерекше болмақ, себебі Zhuldyz LIVE енді ашық аспан астында хабар тарататын болады.
Zhuldyz LIVE 10 маусымда сағат 18:00-де елордадағы Арбаттың 5 жылдығына ерекше сый жасайды. Бұл күні Нұр-Сұлтандағы Арбатқа Е.Рахмадиев атындағы Мемлекеттік академиялық филармонияның үрмелі оркестрі және "Голос" шоуының қатысушысы Полина Тырина келіп, өнер көрсетеді. Олардан бөлек, іс-шараға Қазақстанның түкпір-түкпірінен жиналған талант иелері қатысады. Сонымен қатар, мерекелік кеште белгілі әнші, эстрада жұлдызы құпия қонақ болады.
Концертке жиналған әншілер "Жұлдыз" радиосының әндерін шырқап, көрермендермен коллаборация жасайды. Іс-шараны Zhuldyz LIVE жобасынан тамашалауға болады.
10 маусымдағы кешті TengriTV Youtube-арнасы мен zhuldyz.fm парақшасынан көре аласыздар.
Еске салайық, 25 мамырда Zhuldyz LIVE музыкалық шоуының тұсауы кесілді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
