+7 (777) 001 44 99
Қазақша
Русский
English
Ақтөбе облысында Құрбан айт қарсаңында Араб әмірліктеріне мыңнан аса қой жіберілген, бұл туралы ауылшаруашылық басқармасының басшысы Құсайын Сәрсембай айтты, - деп хабарлайды Тengrinews.kz тілшісі "Ақтөбе ақпарат" орталығына сілтеме жасап.
Бүгінде өңірде 1 371,1 мың бас қой-ешкі бар. 2017 жылдың жеті айының қорытындысы бойынша 597,7 мың бас төл алынған.
"Облыс алдында 90 тонна қой етін экспорттау тапсырмасы тұр. Осы тапсырманы орындау мақсатында «Алтын Әсел» ЖШС Біріккен араб әмірліктеріне мың бастан астам қой етін жіберді. Экспортталған өнім көлемі 20 тоннадан асады", - деді Құсайын Сәрсембай.
Жыл соңына дейін 5 000 бас қой немесе 100 тонна қой етін экспорттау жоспарланып отыр екен.
