Бизнеске ауадай қажет екі заң шұғыл түрде қаралады

28 Наурыз 2014, 13:24
0
Бизнеске ауадай қажет екі заң шұғыл түрде қаралады - Фото government.kz сайтынан
Фото government.kz сайтынан

Бүгін Министрлер кабинеті бизнеске ауадай қажет екі заң жобасын қабылдады. Үкімет басшысы Серік Ахметов аталған құжаттарды сәуірдің 1-іне дейін (келесі аптаның сейсенбісі - авт.) Парламент Мәжілісінің қарауына енгізуді тапсырды, деп хабарлайды Tengrinews.kz тілшісі.

Министрлер кабинеті "Рұқсат беру және ескерту құжаттары туралы", сондай-ақ "Рұқсат беру жүйесі мәселелері бойынша кейбір заң актілеріне өзгертулер мен толықтырулар енгізу туралы" заң жобасын бірауыздан мақұлдады. Үкімет басшысы С.Ахметов атап көрсеткендей, аталған заң жобалары еліміздегі рұқсат беру жүйесінің бірқатар мәселелерін шешуге мүмкіндік бермек. Ал, ең бастысы, соның арқасында бизнестен негізсіз рұқсат беру құжаттарын талап ету оқиғалары тыйылады. 

"Осыған орай, өңірлік даму министрлігі сәуірдің 1-іне дейін заң жобасын ("Рұқсат беру және ескерту құжаттары туралы"- авт.) Мәжілістің қарауына енгізсін. Сондай-ақ аталған құжаттарды шұғыл қабылдау қажеттігі жөнінде Мемлекет басшысының атына тиісті хаттың жобасы дайындалсын. Біз осы мәселе туралы талай рет айттық. Президент те оны қолдап отыр", - деді Үкіметтің бүгінгі отырысында Премьер-министр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай