Ұлттық банк 25 наурызға арналған доллардың теңгеге шаққандағы ресми бағамын белгіледі, - деп хабарлайды Tengrinews.kz тілшісі.
Жұмада доллар бағамы 495,43 теңге болады. Айта кетейік, доллардың 19-24 наурыз аралығындағы ресми бағамы 505,22 теңге болған еді. 25 наурыздағы рубльдің ресми бағамы 5,15 теңге болады.
Айта кетейік, KASE биржасындағы күндізгі сессияның қорытындысы бойынша доллардың орташа бағамы 495,43 теңге болды.
Kurs.kz деректері бойынша, қазіргі таңда Алматының айырбас пункттерінде доллардың орташа бағамы - 491,23 теңге, ал сатылымда - 496,49 теңге. Нұр-Сұлтандағы айырбас пункттерінде долларды орта есеппен 490,23 теңгеден сатып алып, 496,07 теңгеден сатып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
