Еуроодақ Ресейге қатысты жаңа санкциялар дайындап жатыр

10 Мамыр 2014, 13:11
0
Еуроодақ Ресейге қатысты жаңа санкциялар дайындап жатыр - © РИА Новости
© РИА Новости

Еуроодаққа мүше елдер Ресейдің Украина мен Қырымға қатысты позициясына байланысты жаңа санкциялар дайындап жатыр, деп хабарлайды "Эхо Москвы" "Рейтер" агенттігіне сілтеме жасап.

Жаңа санкциялар бойынша қазіргі "қара тізімнің" қатарын Қырымда орналасқан 5 компания мен 15 адам толықтыруы мүмкін. Адамдардың есімі мен компания аттары айтылмауда. Еуроодақ Ресейге қатысты жаңа санкцияларды дүйсенбі, яғни 12 мамыр күні мақұлдауы мүмкін.

Еске салайық, 21 наурыз күні АҚШ Қырымның Ресейге қосылуы мен Кремлдің Украинаға қарсы жүргізіп отырған саясатына байланысты антиресейлік санкция жариялаған болатын. Ол кезде санкцияға Ресейдің 28 азаматы мен "Ресей" банкі іліккен. Жазалаудың екінші легі 28-ші сәуір күні басталып, ол кезде "қара тізімге"  Владимир Путиннің қасындағы азаматтар мен Ресейдің 17 ірі компаниясы қосылған. 

Кейіннен Ресей банктері мен компанияларының санкциясына америкалық Microsoft, Symantec, Oracle және Hewlett-Packard сынды ірі IT-корпорациялары да қосылып қалуы мүмкін екені белгілі болды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай