+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Америкалық ExxonMobil мұнай компаниясы Қашаған кен орнын өңдеу операторы болуы мүмкін, - деп хабарлайды FOX Business Nefte Compass іскерлік журналына сілтеме жасап.
Америкалық ExxonMobil мұнай компаниясы Қашаған кен орнын өңдеу операторы болуы мүмкін, - деп хабарлайды FOX Business Nefte Compass іскерлік журналына сілтеме жасап.
Дерек көзіне сүйенсек, бұл мәселені талқылау жалғасуда, алайда ExxonMobil 2014 жылдың маусым айының аяғында Қашаған жобасының операторы болып белгіленеді деген ақпарат бар. Дегенмен Exxon компаниясының өкілдері бұл туралы қандай да бір түсініктеме беруден тартынып отыр.
Бұдан бұрын Қашаған жобасының жаңа операторы жақын уақытта құрылатыны хабарланған болатын. Agip (Аджип), NCOC (НКОК) және НКПОК секілді ірі ұйымдар бірігіп, жаңадан бірлескен компания құрмақ. Мұнай-газ секторының сарапшысы Сергей Смирновтың айтуынша, жобаға қосымша қаражат тарту мақсатында бірлескен компания құрылмақ. Онымен қоса, Мұнай және газ министрі Ұзақбай Қарабалин Қазақстанда Қашағанның жаңа операторы 2014 жылдың қыркүйегінде пайда болатынын хабарлаған еді. Оның айтуына қарағанда, Қашағанның жаңа операторын қалыптастыру іс жүзінде жүргізілуде, тіпті оның бас директоры да тағайындалып қойған көрінеді.
