Ел Үкіметі биыл газ саласындағы негізгі үш жобаға тартылатын шетелдік жұмыс күшінің көлемін бекітті, деп хабарлайды Tengrinews.kz тілшісі ресми бұқаралық ақпарат құралдарында жарық көрген Үкімет қаулысына сілтеме жасап.
Оған сәйкес, "Қазақстан - Қытай" газ құбырының "С" бөлігін тарту жұмыстарына 1817 шетел маманы шақырылса, "Бейнеу - Бозой - Шымкент" жобасына 1151 маман қатысады. Ал Жаңажол газ өңдеу зауытының екінші және үшінші кезең құрылысына шетелден 622 маман шақырылады. Жалпы, квота аясында 3590 шетел маманын тарту жоспарланған.
