-
Басты
-
Біл
-
Экономика
-
Нарық
Қарашығанақта табыстың 80%-ын Қазақстан алатын болады
20 ақпан 2014, 19:27
Министр Ұзақбай Қарабалиннің айтуынша, қазір жобада кірісті бөлудің жаңа жүйесі енгізіліп жатыр.
-
Vkontakte
-
Facebook
-
Twitter
-
Одноклассники
-
Telegram
Новостью поделились: человек
©Tengrinews.kz
Қарашығанақ мұнай-газ кен орны жобасында кірісті бөлудің жаңа жүйесі жұмыс істей бастайды, соған сәйкес, Қазақстан жоба кірістерінің 80%-ына ие болады. Бұл туралы бүгін ҚР Мұнай және газ министрі Ұзақбай Қарабалин Оралда жер қойнауын пайдаланушылармен кездесуі кезінде айтты деп хабарлайды Tengrinews.kz ҚР Үкіметінің ресми сайтына сілтеме жасап.
"Батыс Қазақстан облысындағы Қарашығанақ мұнай-газ кен орнын жасауға енгізілген инвестициялар толығымен ақталды. Таяу жылда жобадан түскен кірісті бөлудің жаңа жүйесіне көшу күтілуде, соған сәйкес кірістің 80% қазақстандық тарапқа бағытталмақ", - деді Ұзақбай Қарабалин. Оның айтуынша, қазақстандық үлесті арттыру бойынша шаралар кешенін қолдану қарастырылған.
«Бұл - қазіргі таңдағы ең түйткілді мәселе. Жергілікті өндірушілердің тек санаулылары ғана Қарашығанақ жобасына қатысады. Оған тендерлерде ашықтықтың болмауы себеп. Инвестор тым қатал талап қояды», - деп атап өтті Қарабалин. Министр Үкімет бұл мәселені шешу бойынша шаралар қолданып жатқанын айтты.
Осылайша, жаңа тендерлік саясат қалыптасуда. Отандық өндірушілердің мүмкіндіктері жобалау кезеңінде ескеріледі. Ал келісімшарттарда қызмет көрсету мен тауар өндірудің пайызы нақты келісіледі.
«Мердігерлерді қазақстандық құрал-жабдықтарды, материалдарды және басқаларын қазақстандық болғандықтан алуға күштей алмаймыз. Ол Қарашығанақ сияқты үлкен қысымды күкіртті сутекті кен орындарында мердігер өз мойнына алған сапаға және талаптарға сәйкес болуы керек», - деді министр. Айта кетейік, бұған дейін Мұнай және газ министрлігінің Қарашығанақ жобасын кеңейтуді көздеп отырғаны хабарланған болатын.