Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Қазақстан мен Бахрейн арасында алюминий өндірісі жөнінде келісім жасалды

14 Сәуір 2014, 11:33
0
Әсет Исекешев. ©Primeminister.kz
Әсет Исекешев. ©Primeminister.kz

Қазақстан мен Бахрейн алюминий өндірісі жөнінде меморандумға қол қойды, - деп хабарлайды Tengrinews.kz тілшісі.

Меморандум "Бахрейн - Қазақстан: стратегиялық әріптестік" бизнес-форумы шеңберінде жасалды. Құжатқа Қазақстан тарапынан Премьер-министрдің орынбасары, Индустрия және жаңа технологиялар министрі Әсет Исекешев, Бахрейн Корольдігі тарапынан елдің Өнеркәсіп және сауда министрі Хасан Абдулла Фахро қол қойды.

"Бізге тату сауда қатынастарын жақсарту үшін көп мүмкіндіктер іздеу қажет. Біздің екі еліміздің арасында өзгешеліктердің болуына қарамастан, көп ұқсастық та бар. Елдеріміздің экономикасы табиғи ресурстарға тәуелді, біз халықаралық аренадағы көп ұстанымды қолдаймыз. Еліміздің басшысының сапары екі мемлекеттің дамуына ықпал етеді деп ойлаймын", - деді Хасан Абдулла Фахро.

Өз кезегінде Әсет Исекешев: "Бахрейнде алюминий қайта өңделеді, Қазақстанда бізде мол қор бар, 250 мың металл алюминийін өндіреміз. Біз алдымызға алюминийді қайта өңдеу міндетін қойып отырмыз. Павлодарда біз алюминийді қайта өңдеу жөнінде арнайы субаймақ ашуға дайынбыз" - деді.

Исекешев Бахрейнмен арада ынтымақтастықты дамытуға болатын басқа да салаларды атады. "Біз ынтымақтастықтың бұл кезеңінде әлеуетті сала ауыл шаруашылығы екенін көріп отырмыз. Қазақстан астық өндіру мен экспорттауда және ет экспорты жөнінен әлеуетке ие. Қазақстан туризм бағдарламасын іске асыруға кіріседі. Елдің батысында, оңтүстігі мен солтүстігінде бірқатар жобаны іске асыруды жоспарлап отырмыз. Бұл орайда да ынтымақтастықты талқылағымыз келеді. Сол сияқты банк секторы. Біз исламдық қаржыландыру жөнінде заң қабылдадық, ТМД елдері үшін ислам банкингі бойынша аймақтық хабты дамытуды жоспарлап отырмыз. Біз сіздердің тәжірибелеріңізді үйреніп, ынтымақтастық орнатуды қалаймыз", - деді Индустрия және жаңа технологиялар министрі.

Ол алдағы бес жыл ішінде Қазақстан үшін басым бағытқа ие салаларды атады. Олар: металдан дайын бұйым өндіру, машина жасау, мұнай өңдеу, мұнай химиясы, құрылыс материалдарын өндіру, туризм және геологиялық барлау. "Осы сапар аясында біз ынтымақтастықтың барлық инфрақұрылымын қалыптастыруымыз керек деп ойлаймын. Біз сіздерді және сіздердің бастамаларыңызды қолдауға дайынбыз", - деді Премьер-министрдің орынбасары.

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай