+7 (777) 001 44 99
Қазақша
Русский
English
Қазақша
Русский
English
Елімізде шай бағасы жыл ішіне 6 пайызға қымбаттағанымен, ішкі нарықта шайдың сатылымы 1,5 пайызға артып отыр. Бұл туралы Елорда Инфо Energyprom.kz сайтына сілтеме жасап хабарлайды.
Қазақстанда қайта өңделген шай мен кофе өндірісі көрсеткіші төмендеп келеді. Биылғы қаңтар-қыркүйек айларында Қазақстанда 11,5 мың тонна шай мен кофе өндірілген. Бұл өткен жылдың сәйкес кезеңімен салыстырғанда 10,4 пайызға төмен.
7 айда импортталған кофе мен шай 25 мың тоннаға тең. Өзіндік өндіріс сұраныстың 26,3 пайыз ғана қанағаттандырды. Ішкі нарықта шай мен кофенің сатылымы 93,7 пайыз, немесе 31,8 мың тонна. Бұл өткен жылғы көрсеткіштен 1,5 пайыз жоғары.
Сатылым көрсеткішінің артуы бағаның қымбаттауымен қатар келді. Биылғы жылдың қыркүйек айында қара шайдың бағасы 5,8 пайыз қымбаттап, келісі 3054,8 теңгеге жетті. Шай бағасының қымбаттауы бойынша Алматы қаласы алдыңғы орында тұр. Онда шай бағасы 3390 теңге, ал Қостанайда 3282 теңге болды.
Қазақстанға негізінен шай Кениядан (9 мың тонна), Үндістаннан (7,1 мың тонна) және Ресейден (2,4 мың тонна) жеткізіледі.
