Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

ҚР Ұлттық банкі 2016 жылдың қаңтарындағы интервенция көлемін атады

03 Ақпан 2016, 14:17
5
© РИА Новости
© РИА Новости

ҚР Ұлттық банкінің валютаны сату түріндегі өктемділігі 57,7 миллион долларды құрады, - деп хабарлайды Tengrinews.kz тілшісі банктің баспасөз қызметіне сілтеме жасап. Айта кетейік, Ұлттық банк хабарламасында нақты қай валютаның сатылғаны көрсетілмеген.

"Ұлттық Банк валюта нарығына қатысуын барынша азайтты. Ұлттық Банктің 2016 жылғы қаңтарда валютаны сату түріндегі өктемділігі 57,7 миллион доллар немесе сауда-саттықтың жалпы көлемінен 2,48 пайыз болды", - деді Ұлттық Банктің төрағасы Данияр Ақышев. "Қазіргі уақытта бағамның жуық арада айтарлықтай өзгеру ықтималдығы аз деп бағалаймыз. Қазақстанның төлем балансы тұрғысынан жағымсыз сценарийлер іске асырылып қойды", - деді ол. 

Сонымен қатар, Ұлттық банк базалық мөлшерлеме жөнінде де түсінік берді. "ҚР Ұлттық Банкі 2016 жылғы 2 ақпаннан бастап базалық мөлшерлемені плюс минус 2 пайызға ауытқуымен 17 пайыз деңгейінде белгіледі. Бұл Ұлттық Банктің банктерге өтімділікті кез келген көлемде 19 пайызға жуық мөлшерлеме бойынша беретінін және банктерден өтімділікті 15 пайыздық мөлшерлеме бойынша алатынын білдіреді", - делінген хабарламада. Ұлттық Банктің мәліметінше, 2016 жылғы 5 қаңтарынан бастап осы көлемдер айтарлықтай ұлғайды және Ұлттық Банктің ақша нарығына қатысуы нарық көлемінің жартысынан асты. "Бұл ретте банктердің балансындағы Ұлттық Банк алдындағы міндеттемелер 8 пайызға, ал жекелеген банктерде 20 пайызға жетті", - деді Данияр Ақышев. 

Сонымен қатар, депозиттердің долларлану деңгейі 69 пайызға жетті, оның ішінде жеке тұлғалардікі 78,9 пайыз болды. Қазақстанның депозиттерге кепілдік беру қоры 2016 жылғы 1 ақпаннан бастап жеке тұлғалардың ұлттық валютадағы депозиттері бойынша сыйақы мөлшерлемесінің ең жоғарғы мөлшерін 10 пайыздан 14 пайызға дейін белгілеу жөнінде шешім қабылдады, шетел валютасындағы депозиттер бойынша мөлшерлеме 3 пайыздан 2 пайызға дейін төмендетілді. Сонымен қатар, Ұлттық Банктің қолма-қол шетел валютасымен операциялар бойынша немесе депозиттерді алу бойынша қандай да бір шектеулерді қарастырмайтынын және оларды енгізуді жоспарлап отырмағаны белгілі болды. "Біз долларлық депозиттерді теңгелік депозиттерге қандай да бір мәжбүрлеп аудару бойынша ешбір іс-қимыл жоспарлап отырған жоқпыз. Бұл жалған ақпарат, оған ешбір негіз жоқ", - деді Ұлттық Банк басшысы.

ҚР Ұлттық банкінің мәліметінше, 2015 жылы Қазақстанда жылдық инфляция 13,6 пайызды құрады.


Нравится
Поделиться
Пікірлерді көру (5)
Оқылып жатыр
Талқыланып жатыр
Бүгін
Апта
Ай